اور بارش ہے
۔۔۔۔۔۔۔۔۔۔
اپنی بے کار محبت کی سیہ کاری میں
بھیگ جاتا ہوں
تو سو جاتا ہوں
اور بارش ہے کہ گرتی ہی چلی جاتی ہے
بند آنکھوں پہ
تھکے اعضا پر
شہر نم ناک میں
سانسوں سے بھری گلیوں پر
نارسائی کی طنابوں سے
بندھے جسموں پر
اور ناکردہ گناہوں کے
تعفن زدہ کپڑوں سے
بھرے کوٹھوں پر
اور بے انت کے میدانوں میں!
Related posts
-
اکرم سحر فارانی ۔۔۔ چھ ستمبر
ظُلمت کے جزیرے سے اَندھیروں کے رسالے آئے تھے دبے پاؤں اِرادوں کو سنبھالے دُشمن کے... -
حامد یزدانی ۔۔۔ سوالیہ اندیشے
سوالیہ اندیشے ۔۔۔۔۔۔۔۔۔۔۔ اس خزاں کی نئی اداسی کا رنگ کتنے برس پرانا ہے؟ زندگی مسکرا... -
خاور اعجاز ۔۔۔ امکان (نثری نظم) ۔۔۔ ماہنامہ بیاض اکتوبر ۲۰۲۳)
امکان ۔۔۔۔۔۔۔۔۔ رات کو پیدا ہونے والی تاریکی روشنی کا مطالبہ کرتے ہُوئے گھبرا جاتی ہے...